განსხვავდება თუ არა ბოთლის საავტომობილო ზეთი 200 ლიტრიანი ავზის ზეთისგან?

ზოგიერთი მძღოლი, სხვადასხვა მიზეზის გამო, თავს არიდებს ორასლიტრიანი ავზებიდან ჩამოსასხმელი  მანქანის ზეთის ყიდვას და ურჩევნია შეიძინოს საავტომობილო ზეთები, რომლებიც პატარა, პლასტმასის ან ლითონის კონტეინერით იყიდება.

დასაწყისისთვის, უნდა აღვნიშნოთ, რომ საავტომობილო ზეთების არც ერთი მწარმოებელი არ აწარმოებს მათ სხვადასხვა კონტეინერისთვის. ძრავის ზეთის თითოეული პარტიის წარმოების დასკვნით ეტაპზე, მისი ყველა კომპონენტი სპეციალურ მოსარევ დანადგარში ჩაედინება, რომლის მოცულობამ შეიძლება მიაღწიოს 50 ტონას. შემდეგ, ძრავის ზეთი ამოიტუმბება მისგან და მილსადენის გავლით ისხმევა კონვეიერში, საიდანაც ნაწილდება სხვადასხვა ზომის და მასალის ჭურჭელში. მათ შორის, 200 ლიტრიან ავზებშიც.

რისგან შედგება ძრავის ზეთი?

75-85% ძირითადი ზეთი
;
10-20% დანამატები
;
5-10% სიბლანტის მოდიფიკატორები
1% სხვადასხვა ინჰიბიტორები.

 დანამატებს სხვადასხვა წონა აქვთ და შეიძლება 200 ლიტრიან კასრში დაილექოს. იმისათვის, რომ ამოღებისას არ ამოვიდეს მხოლოდ ზეთი, ან მხოლოდ დანამატები, აუცილებელია სპეციალური მიქსერი, რომელიც მორევის პროცესს ახორციელებს.

 პლასტმასისა და ლითონის კონტეინერები განკუთვნილია საცალო მაღაზიებში გასაყიდად, ხოლო 200 ლიტრიანი კასრები ძირითადად ავტოგასამართ სადგურებსა და ავტომწარმოებლებთან ხვდება.

 მაღაზიებსა თუ ავტოცენტრებშიც კი თითქმის არ გვხვდება მიქსერი, ამიტომ, გაცილებით საიმედოა, რომ ავტომობილის ზეთი საცალო ბალონით შეიძინოთ.

რაც შეეხება პატენტებს. ითვლება, რომ მეტალის ქილებში ნაყიდ ზეთს უფრო ნაკლები შანსი აქვს, ფალსიფიცირებული აღმოჩნდეს, ვიდრე პლასტიკისას, რადგან პლასტიკის კანისტრების დამზადება ბევრად იაფი ჯდება და შესაბამისად, თაღლითებისთვის უფრო მოთხოვნადი პროდუქტია.

ავტომობილის ზეთის ხარისხზე გავლენას ახდენს პროდუქტის ვარგისიანობის ვადები და შენახვის პირობები. შეფუთვა უნდა იყოს ჰერმეტულად დაცული, ინახებოდეს ოთახის ტემპერატურაზე და ჰაერის საშუალო ტენიანობაზე. მას არ უნდა ხვდებოდეს პირდაპირ მზის სხივები. ამიტომ, გაცილებით სანდო მისი მცირე ზომის შეფუთვით შეძენაა, რომელსაც ეტიკეტზე აწერია ყველა საჭირო ინფორმაცია და მათ შორის, დამზადების ვადაც.

მეტალის კონტეინერის გამო ავტომობილის ზეთში მაღალი ფასის გადახდას არსებითი მნიშვნელობა არ აქვს. თავისუფლად შეგიძლიათ შეიძინოთ ის პლასტიკის შეფუთვაშიც. მთავარია, ეს სანდო მაღაზიაში გააკეთოთ.