Lexus-მა 2021 წლის გაყიდვების შედეგები გამოაქვეყნა
1 თებერვალს, Toyota-მ Lexus-ის ავტომობილების 2021 წლის გაყიდვების შედეგები გამოაქვეყნა. კომპანიამ 760 012 ახალი მანქანის რეალიზება მოახდინა მთელი მსოფლიოს მასშტაბით, რაც 6%-ით მეტია, 2020 წელთან შედარებით.
კოვიდის პანდემიამდე, 2019-ში, იაპონურმა ბრენდმა გაყიდა 765 330 ავტომობილი.
ჩრდილოეთ ამერიკა Lexus-ების გაყიდვების ყველაზე მსხვილ ბაზრად რჩება. გაყიდვებმა აქ 332 000 ცალი ერთეულს მიაღწია. მეორე ადგილზე ჩინეთია: 227 000 ერთეულით.
Lexus-ის გაყიდვები 2021 წელს ქვეყნების მიხედვით:
- ჩრდილოეთ ამერიკა – 332 000 ერთეული (+12% 2020 წელთან შედარებით);
- ჩინეთი – 227 000 ერთეული (+1%);
- ევროპა – 72000 ერთეული (+2%);
- იაპონია – 51 000 ერტეული (+4%);
- აღმოსავლეთ აზია – 30 000 ერთეული (-5%);
- ახლო აღმოსავლეთი – 28000 ერთეული (+3%).
ES, RX და UX ჰიბრიდული ვერსიების გაყიდვების რაოდენობამ 2021 წელს 260 000 ერთეული შეადგინა (+10%).
შეგახსენებთ, რომ Toyota Motor-მა 2021 წლისთვის რეკორდი დაამყარა გაყიდვებში და შეინარჩუნა მსოფლიო ლიდერობა, წარმოების კრიზისის მიუხედავად.
