რა შეცდომებს უშვებთ ავტომობილში კონდიციონერის ჩართვისას

სინამდვილეში, ბევრმა ავტომოყვარულებმა არ იციან, როგორ გამოიყენონ ავტომობილის კონდიციონერი სწორად და გარკვეულ შეცდომებს უშვებენ, რომლებიც იწვევს დისკომფორტს და ზოგჯერ, მძღოლის ჯანმრთელობასაც უქმნის საფრთხეს.

ყველაზე გავრცელებული შეცდომები კონდიციონერის მოხმარებისას:

1. კონდიციონერის ჩართვა სალონის განიავების გარეშე;
2. ჰაერის ნაკადების არასწორი მიმართულება (გულმკერდის არეში მიმართულმა ჰაერის ცივმა ნაკადმა შეიძლება გამოიწვიოს გაციება და გულ-სისხლძარღვთა დაავადებები);
3. კონდიციონერის ჩართვა პირდაპირ დაბალ ტემპერატურაზე სიცხეში;
4. ძალიან დაბალ ტემპერატურაზე მოხმარება (ჰაერის ტემპერატურის მკვეთრმა ვარდნამ შეიძლება გამოიწვიოს გაციება);
5. კონდიცირების სისტემის დაგვიანებული და არასწორი მოვლა. ფრეონის არარეგულარული შემოწმება, ან არასწორი ფრეონის საკუთარი ხელით შევსება.
6. სალონის ფილტრის არარეგულარული წმენდა/შეცვლა.

მანამ, სანამ ფრეონს დაამატებთ ან შეცვლით, ზუსტად უნდა იცოდეთ, რომელი და როგორი ტიპის ფრეონის გამოყენებაა რეკომენდებული კონდიცირების მწარმოებლის მიერ. წინააღმდეგ შემთხვევაში შეიძლება შეიქმნას სიტუაცია, როდესაც ფრეონი არ ურთიერთქმედებს ზეთთან კომპრესორში, ამან კი შესაძლოა კომპრესორის სწრაფი დაზიანება და კონდიცირების მთლიანი სისტემის მუშაობის დაბალი ეფექტურობა გამოიწვიოს.

კიდევ ერთი გავრცელებული  შეცდომა სალონის ფილტრის არალეგულარული წმენდა და შეცვლაა. ის ავტომწარმოებლის რეკომენდაციის შესაბამისად უნდა შეიცვალოს. სალონის ფილტრის შეცვლის სიხშირე საშუალოდ 10-20 000 კილომეტრი გარბენის შემდეგაა.

დაბინძურებული სალონის ფილტრი ავტომობილის სალონში აჩენს მტვერს, მავნე მიკრობებს და უსიამოვნო სუნს.

როგორ გამოვიყენოთ სწორად კონდიციონერი ავტომობილში:

კონდიციონერის სწორი ექსპლუატაცია მოიცავს შემდეგ წესებს:

1. უნდა განიავდეს ავტომობილის სალონი კონდიციონერის ჩართვამდე 3-5 წუთის განმავლობაში;
2. ცივი ჰაერის ნაკადი არ უნდა იყოს მიმართული პირდაპირ მძღოლის/წინა მგზავრის  მიმართულებით;
3. ცივი ჰაერი უნდა მიდიოდეს საქარე მინისკენ, ზემოთ, ან გვერდითა ფანჯრის მიმართულებით;
4. სიცხეში ჩართვისას, კონდიციონერი ჯერ ზომიერ ტემპერატურაზე უნდა დაყენდეს, შემდეგ კი ნელ-ნელა შემცირდეს ტემპერატურა;
5. ჩართული კონდიციონერით ხანგრძლივი მგზავრობისას, სალონი ყოველ საათში ერთხელ უნდა განიავდეს.
6. უნდა შემოწმდეს და საჭიროებისამებრ შეიცვალოს სალონის ფილტრი – რეგულარულად!

სალონის ფილტრის შემოწმება/შეცვლა შეგიძლიათ ჰიბრიდ ლაბში.

მის: სანზონა, დ. გურამიშვილის N70