შემდეგი თაობის Ford Mustang-ი შესაძლოა სრულ ამძრავიანი ჰიბრიდი გახდეს
„ფორდ მუსტანგი“ ბევრი ამერიკელისთვის ნამდვილი ხატი და ტრადიციის ციხესიმაგრეა – მარტივი, ორკარიანი კუპე საკმაოდ ძლიერი ძრავით. „მუსტანგს“ 2015 წლამდე პრიმიტიული უკანა საკიდარი ჰქონდა, მაგრამ დროსთან ერთად ლეგენდებიც იცვლება.
პირველმა თანამედროვე საკიდარმა მნიშვნელოვნად გააუმჯობესა ავტომობილის მობრუნების უნარი და ოთხ ცილინდრიანი ძრავა. სამომავლოდ, მუსტანგი სრულ ამძრავიანი ჰიბრიდი გახდება!
Ford Mustang-ის მეშვიდე თაობა 2023 წელს გამოჩნდება, როგორც 2024 წლის მოდელი. მწარმოებლის თქმით, მომავალი თაობის მუსტანგი სერიოზულ კონკურენციას გაუწევს Dodge Challenger-ს.
სავარაუდოდ, მეშვიდე თაობის „ფორდ მუსტანგი“ ყველა ამჟამინდელ ძრავს შეინარჩუნებს, 2.3 ლიტრიან 4 ცილინდრიან Ecoboost-იდან დაწყებული, 5.2 ლიტრიან V8 Predator-ით დამთავრებული, რომელსაც ასევე აყენებენ Shelby GT500-სა და GT500KR-ში.
